.......... تعاطفا مع فايزة ..........

زائر

فى دهاليز ذلك البيت القديم وفى سرداب قديم أثرى

يعلوه خيوط العنكبوت جلست وحدى أبكى حظى العاثر

وقصة الحب الفاشلة أهئ أهئ..

منك لله ياأبوتريكة .. الله يخرب بيتك يازيدان ..

حسبى الله ونعم الوكيل فيك ياحسنى ياعبد ربه

ثم مددت يدى الى فانوس قديم بجوارى

وبعزم ماعندى رزعته فى الحيط صارخا:

بوووووووووووووم

ولكن الفانوس تهشم وخرج منه دخان كثيف

سرعان ماتجسد فى صورة شئ مخيف أشبه بالعفاريت

هاتفا :أنته عبيط ياض أنته والا إيه.

.حد يعمل كده..الناس تدعك الفانوس..تنفض الفانوس

..مش تهبده الهبده دى أفرض أتعورت..

أفرض كنت محبوس أنا والعفاريت عيالى..

حد يعمل كده..ده أنتو جيل مهبب..

الله يرحمك يا اسماعيل ياسين..أتزفت قول طلباتك

أنا عايز أبقى زى أبو تريكة

أبو مين يأخويا

تريييييييييييكة..أنا من يوم كأس الأمم

والبت بتاعتى قلبت عليه.. شوف أبوتريكة حريف أزاى

..شوف زيدان عامل راسه أزاى ..

شوف سونج جته إزاى ..النسوان مخها اتهبش

أنته هتقولى ع النسوان ....دول يعفرتوا العفريت

وآخر المتمه تقولى أبوتريكة لابس تشيرت على أسم مراته..

.حتى بالأماره أسمه عزة...حلفتلها ميت يمين أن دى غزة.

.ودى مدينة فى فلسطين..لكن هى دماغها جزمة..

ولازم أنا كمان أبقى لعيب وأجيب جون..

وأرفع التى شيرت بأسمها الله يخرب بيت الحريم

على دماغهم...حاضر ياسيدى..أنا هوديك المنتخب

تلعب..وهأخليك أحرف من أبوتريكة بتاعكوا ده

فتحت عينى لقيتنى قاعد ع الدكه في جنوب افريقيا

والكابتن حمادة صدقى على ايدى اليمين

والكابتن شوقى غريب قاعد على ايدى الشمال

انا مش مصدق نفسى يعنى انا هلعب فى ماتش

مصر والبرازيل... العفريت ده طلع واصل صحيح...

كابتن شوقى: ورينا الهمه يا كابتن محمد

كابتن شحاته طلع عمرو ذكى عشان يلعبك

وقطع حوارنا صوت كابتن شحاته قوم سخن يا محمد

وربنا دى اخر مره اخلى ذكى ينزل فى التشكيله الاساسيه.....

وطلع ذكى من غير ميقول ليه...واول حاجه عملها

انه راح وباس ايد كابتن شحاته ....انا مش عارف ليه..

ونزلت الملعب والجماهير كلها بتهتف محمد أهوو

محمد أهوأهو مع انهم اول مره يشوفونى

لكن البركه ف العفريت ....

انا كنت حاسس انى احرف واحد ف العالم ..

كل الناس عرفانى وكل البنات حبانى ...

انا بدات احس انى بقيت نجم ..

انا اعظم لاعب ف المجموعه الشمسيه ..

انا بطل قومى انا ثروة للبلد

وهجمة خطيرة وماشى محمد بالكورة

وامكانية وجول وجووووووووول

محمد جووووول محمد

..واحد صفر الفراعنة المصريين هم الابطال واحد صفر

من النجم محمد أرقص يا محمد...افرح يامحمد...

وكل القنوات تشغل مشربتش من نيلها

ويا حبيبتي يامصر

ووالله وعملوها الرجاله

ومحمد فرحان وبيغني انا شارب سجاره بني حاسس ان دماغي بتاكلني

محمد يقترب من الكاميرا..محمد يرفع

التى شيرت ومحمد كاتب: تعاااااااااااااااااااااطفاااااااامع فايزة

تقبلوا خالص تحياتى

مع احترامي لتريكه طبعا

زائر

هههههههههههههههههههه
اه لو سمعك ابو تريكه يافان
حرام عليك
بس جميل بجد جداااااااااا

زائر

ما انا اعتذرتله في الاخر يلا يمكن يشد حيله ويجيب جون بكره

شكرا لمرورك

زائر

موضوع رائع فان بيرز

زائر

يعني في الاخر نعمل فية جدا ماشى

زائر

يلا بقى مش مشكله ده موضوع دعابه مش اكتر

ميرسي ليك بريف

ههههههههههههههههههههههههههههههه

ده انت خيالك واسع اوي كويس انها جت في ابو تريكه مش في زيدان ههههههههههههه

زائر

ههههههههههههههه
ميرسي ليكي

انا برضه قلت كويس تريكه علشان تصدقو مرضيتش اختار مسي علشان مبقاش بلعب بعقولكم
ههههههههههههههههه

زائر

موووووووووووووووووووضوووووووووووووووووووع جميلللللللللللللللللللللللللللللل

زائر

ميرسي ليك يا طائر

زائر

ههههههههههههههه ماشي يا فان

موضوع ممتاز التمنيات بالتوفيق

زائر

ميرسي ليك ياطائر