والله والله قصة حقيقية 100%, هل الثقة فى الاصدقاء .. غلط ؟

القصة دي منقولة عن غن شخص قريب
انا شاب 22 سنة اسمى ميدو

زى معظم الشباب يعنى طايش وكنت مدلع شويتين

وكان ليا شلة بنقضى ايامنا كلها مع بعض

كنا بنعد مع بعض اكتر ما بنعد فى بيوتنا

فى البداية .. انا عيبى انى مسرف جداااااااا

فى مرة كان معايا فلوس كتير

اجرت عربية احدث موديل لمدة يومين

تانى يوم تيل الفرامل باظ وانا كنت مع البنت اللى مفروض بحبها وبتحبنى

اعدت انا وهى فى كافيه واتصلت بواحد صاحبى وجالى

اديته 60 جنيه وقلتله روح غير تيل الفرامل هو هيتكلف حوالى 50 جنيه او اقل

وكان معاه اتنين كمان اصحابى بس لسه عارفهم جديد

اتصل بيا بعد شوية وقالى الراجل اللى هيصلح العربية عايز لسه 200 جنيه

قلتله اوكى ادفعهم من معاك او من الاتنين اللى معاك لحد ما تجيلى وهديهملك

رجعت العربية للراجل والحمد لله مفيش اى مشاكل

بالليل قابلت الاتنين اللى كانوا معاه وقالولى خلى بالك صاحبك بيحور عليك

قلتلهم ازاى .. قالولى العربية بس اتكلفت 45 جنيه ومفيش 200 جنيه ولا حاجة

طبعا انا نهيت علاقتى بيه نهائى ونزل من نظر الكل

بعدها باسبوع اخدت نفس العربية 3 تيام

فى اول يوم كنت بلعب بالعربية وماشى بسرعة جنونية

وبفادى عربيات داخلة مخالف عملت خمسة بالعربية بس من سرعة العربية

الكاوتش اللى ورا خبط فى الرصيف وفرقع والجنط بتاعه اتكسر

انا قلت الحمد لله انها جت على اد كده والحمد لله اننا عايشين

اتصلت بواحد عفشجى جالى وشافها وقالى هتتكلف بس 250 او 300 جنيه

بس لازم تكون ادام الورشة بتاعته ..

المهم بالصدفة اللى كان عايز ينصب عليا فى ال 200 جنيه ده شاف العربية وشافنى

راح لصاحب العربية وقاله الحق عربيتك عاملة حادثة روح شوفها

بعدها 5 دقايق لقيت صاحب العربية وحوالى 6 اصحاب معارض تاجير ادامى

كل واحد منهم بكلمة .. اللى يقول نص تمن العربية واللى يقول 20 الف

المهم رست فى الاخر صاحب العربية قالى 10 تلاف جنيه

من هنا لهنا وصلوا 7 تلاف

دفعت منهم 2500 ولسه 4500

طبعا انا اتعلمت اهم درس فى حياتى

محدش بيمسح دمعتك غير ايدك

من بعد اللى حصل ده لقيتهم كلهم بعدوا عنى .. عشان طبعا مش معايا فلوس

عرفتهم صح بس عرفتهم متاخر

الحكاية دى من شهرين بالظبط ....

معلش بقى طولت عليكوا ... بس بجد انا مليش اصحاب ولا ليا حد اصلا اتكلم معاه

اساسا دول اصدقاء مصلحه يبقى مش اصدقاء والاصدقاء الصح هم اللي تضع كل ثقتك فيهم

والله كلامك نصة صح والنص التاني غلط

انا شايف كلام فان صح و ميه الميه

انا قصدي ان الاصدقاء اللي بيتكلم عنهم فان بقوا قليلون اوي بقوا عملة نادرة بس موجودين

موضوع جميل جدا