انا و البطيخ وافاك .........هههههههههههه

زائر

انا و البطيخ وافاك .. برنامج .. للحب.. و عن الحب

مع اوووسامة منير

الحب

ذلك الشعور السهلبيسي الذي يزعزغ عقول البشر

و يهشك قلوبهم

مستمعينا لسه بنتكلم عن الحب وحلقتنا النهارده عن

الاستهبال في الحب

معاكم اسامه منير علي نجوم fm مزيكا علي كيف كيفك

في.. انا و البطيخ وافاك

من دلوقتي ولمدة ساعتين

مستنين تليفوناتكم علي 6066

او علي 8555022

او علي ايميل البرنامج

علي هواك ات نيل راديو بروداكشن دوووت كوووم

برعاية ابليس كومباني و ان تاتش و كريمات زحلقها

دايما بتمر بينا اوقات بنحس فيها اننا مش قادرين نعيش من غير الحب و من غير الحبيب

و الشعور دا متولد و منبثق من الاحساس التواجدي الكوني في اللامركزيه العصبيه للقلب

و دايما بتقابلنا مواقف كلها استهبال في الحب

ياترى احنا بنعمل ايه و رد فعلنا بيكون ايه لما نقابل حد بيستهبل في الحب

وخصوصا اننا جيل موبايلات و انتوا عارفين ان انا عندي (19 )سنة فحاسس بيكم و حاسس بمشاكل الجيل كلها ...

اولا الرصيد اللي بيخلص في يوم و انت لسه شاحن كارت ب 100 و تفضل تحرق في دقايق علي حبيبتك و في الاخر لما الرصيد يقرب

يخلص تقولها بحبك بحبك مموووت

تقولك انت بتستهبل يا حبيبي اتلم لسويرس يشوفنا

او حبيبتك اللي تفضل تكنسل عليك تكنسل عليك عشان استخسرت فيها كوزين درا علي الكورنيش

و انت اصلا مفلس مش لاقي تاكل و لما تيجي تصالحها علي الموبايل تلاقيها بتكنسل

فتضطر تصالحها بكارت ب 5 و تستهبل .. تلاقيها بتصرخ في وشك و تقول

انت بتستهبل؟؟

اقل من 200 متورنيش وشك

قال يعني شكله حلو

و حبيبك اللي ييجي في اوقات يعمل فيها عالم فلك و يقولك انا بقرا الكف

و يفضل يفعص في كف ايدك ولا كأنه شاف ايدين قبل كدا

و في الاخر تقوليله

و انتوا اساسا قاعدين في الشارع

مستمعينا الاستهبال في الحب حالة بتمر بكل المهاطيل و المهابيل من ابناء الجيل و لو مستخدمناش عقلنا في الاستهبال بيقلب عباطه

وممكن مغص كلوي

مستمعينا مستني تليفوناتكم علي 6066

او علي 8555022

او علي ايميل البرنامج

علي هواك ات نيل راديو بروداكشن دوووت كوووم

برعاية ابليس كومباني و ان تاتش و كريمات زحلقها ياما زحلقها

نستقبل اول اتصال تليفوني و نقول الوو

الوو

الووو

الووووو

واضح ان الخط قطع

- الوو ايوا يا اثامه

اهلا نتعرف بيكي ..

- بثمه من بنــــــــــــــــها

اهلا بيكي يا بسمه ياريت تعلي صوتك شويه

- معلش يا اثامه اثل انا بتكلم من تحت البطنية ..

مفهوم طبعا عشان محدش يقفشك و انت بتتكلمي
انا و البطيخ وافاك .........هههههههههههه Downloadiz2.com_24904808

انا و البطيخ وافاك .........هههههههههههه Downloadiz2.com_24904808

بثمة بنتكلم النهارده عن الاستهبال في الحب .. تقدري تقوليلي يعني ايه الاستهبال في الحب و بيمثل لك ايه

- بص يا اثامه اولا انا بموت موت موت جدا طحن في البرنامج بتاعك و والله مش بفوت ولا حلقة منه ابدا خالث

و ثلملي علي الشقي الحكروت موت موت حتومه و قوله انه لذيذ اووووي و بنحبه مووت موووت

هو بيضحك وفاتح بقه زي الحمار اهوه و بيقولك

مرسي ليكي يا بسمه

- يا اثامه انا بكلمك عشان الحلقة بتاعتك النهارده مخثوث عشاني

انا كنت بحب واحد و انا في 2 ابتدائي و فضلنا نحب بعض للجامعة

انا و البطيخ وافاك .........هههههههههههه Downloadiz2.com_76719611

انا و البطيخ وافاك .........هههههههههههه Downloadiz2.com_76719611

جميل

- اهـء اهـء اهـء

لا اهدي يا بسمه و قوليلي ايه اللي حصل

- يا اثامه اخد كل حاجة كل حاجة

اححمم

حتى الموبايل

- يا اثامه بقولك كل حاجة
اهـء هـء هـء

طيب اهدي يا بسمه

بصي يا بسمه

الحب شعور متبادل بين اتنين

مينفعش طرف واحد من غير الطرف الاخر و لازم الاتنين يكونوا متفاهمين و متعاونين

هو دا الحب اللي هايدوم طول العمر و بكدا نحل كل المشاكل اللي تقابلنا حتى مشكلة غسيل الالوان مع الابيض .. لان تايد

برغوته الجديدة حل المشكله

مستمعينا نسينا نقول ان تايد من رعاة البرنامج

مع تاااااايد في الغسيل مفيش مستحييل

بشكرك يا بسمه علي اتصالك و بهديلك اغنية السوبر ستار عمرو دياب ....

نص ساعة اعلانات ..

انا و البطيخ وافاك برنامج للحب و عن الحب

مع اوووووسامه منير

الحب

لحظات من الامل متولدة في وسط غابات الغضب البشري الجارف المتعارض مع احداث الحياة

فالحياة بدون حب

كالشجرة بدون موبايل ..

مستمعينا لسه بتكلم عن الحب و لسه بنسأل عن الاستهبال في الحب

مستني تعليقاتكم علي 6066 او علي 8555022

او علي ايميل البرنامج

علي هواك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و بيبسي و كوكا كولا و تايد و

برسيل و اومو و اريال ..

الوقت بيمر معاكم بسرعة و حاتم بيضحك مش عارف علي ايه بس تقريبا عشان البت اللي بتبيع ترمس علي كوبري ابو العلا حولت له

انا و البطيخ وافاك .........هههههههههههه Img-resized

انا و البطيخ وافاك .........هههههههههههه Img-resized

مصغرة بنسبة : 96% من الحجم الأصلي [ 532 x 585 ] - إضغط هنا لعرض الحجم الأصلي
انا و البطيخ وافاك .........هههههههههههه Downloadiz2.com_26316224

5 جنية رصيد ..

هاه ؟؟ عشره رصيد

طيب اشطه يا حتوم .. اخوك بقا هاه

نستقبل اتصال تليفوني و نقول الووو

الووو

الووو

الوووووو

الظاهر الخط قطع

الوو ايوا يا اسامه

اهلا نتعرف بيكي

ياريت تعلي صوتك لان الصوت بعيد اوي

_معلش اصل انا بكلمك من الحمام

انا و البطيخ وافاك .........هههههههههههه Downloadiz2.com_57460600

انا و البطيخ وافاك .........هههههههههههه Downloadiz2.com_57460600

انا زنوبه من المنصورة

اهلا بيكي يا زنوبه

زنوبه بتكلم النهادرة عن الاستهبال في الحب

انت ايه رأيك في الاتستهبال عامة و خصوصا في الحب

اسامة انا عاوزه اقولك في الاول انت انت احلى و اجمل اعلامي و صوت شفته في حياتي و انا بسجل كل الحلقات بتاعتك و بحبك

اوووي يا اسامه

ربنا يخليكي يا زنوبه

انا كنت بحب واحد نجار مسلح و بعدين كنت في يوم ماشية في الشارع لابسه باضي

جميل و ديق موووت و بعدين واحد عاكسني

انا و البطيخ وافاك .........هههههههههههه Downloadiz2.com_27134096

انا و البطيخ وافاك .........هههههههههههه Downloadiz2.com_27134096

فحبيبي شلحف

مين يا زنوبه ؟؟

انا و البطيخ وافاك .........هههههههههههه Downloadiz2.com_87095060

_شلحف هو اسمه شادي بس انا بدلعه شلحف

قام ضارب الواد اللي عاكسني بالعتله الحديد شاقق له دماغه

هو دلوقتي في السجن

و انا بحبه اوي يا اسامه و مش عارفه اعمل ايه

و اهلي بيضغطوا عليا مووووت مووووت عشان اتجوز واحد قد ابويا

انا و البطيخ وافاك .........هههههههههههه Downloadiz2.com_24605101

انا و البطيخ وافاك .........هههههههههههه Downloadiz2.com_24605101

اسامه انا مش عارفه اعمل ايه

بصي يا سيدة

اه سوري

بصي يا زنوبه

بنقابل ناس في حياتنا بنحبهم و بيحبونا و ديما كتير بنكون شبهمم و زيهم .. حتى الحب نفسه سعات بيحب انه يتكون على حبيب و حبيبه

و حبيبك بيحبك و ان شاء الله يطلع بالسلامة

بس تعرفي هو لو كان العتله الحديد مصنوعه في الشرق الاوسط و المصدر الرسمي لحديد عزاكبر مصنع

كان

حبيبك زمانه مشنوق دلوقتي لان حديد عز يتميز بالصلابه و القهوه و السيخ مظبوط و بالتمام ..

شكرا يا زنوبه على اتصالك و بهديلك اغنية السوبر ستار محمد فؤاد

يا مسجون في لومان طره

نفسي اكل معاك كوز دره

مستمعينا لسه بتكلم عن الحب و لسه بنسأل عن الاستهبال في الحب

مستني تعليقاتكم علي 6066 او علي 8555022

او علي ايميل البرنامج

علي هواك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و بيبسي و كوكا كولا و تايد و

برسيل و اومو و اريال ..

نص ساعة اعلانات

مستمعينا لسه بتكلم عن الحب و لسه بنسأل عن الاستهبال في الحب

مستني تعليقاتكم علي 6066 او علي 8555022

او علي ايميل البرنامج

علي هواك ات نيل راديو بروداكشن دوت كوم برعاية ابليس كومباني و ان تاتش و كريمات زحلقها و بيبسي و كوكا كولا و تايد و

اس ام اس كتيرررر جدا النهاردة

هااي اسامه بحبك مووت... وبحب صوتك .. صوتك بيريحنى ولا احسن علبة دوا اسهال .. بجد وهدؤك بالكلام انا بحبه اوى موووت انا

اتعرفت على واحد من ع النت وقابلته بس نفسى احسسه بمشاعرى اعمل ايه ارجو الرد يااحلى اعلامى واعذب صوت فى الكون

انا و البطيخ وافاك .........هههههههههههه Downloadiz2.com_51034261

انا و البطيخ وافاك .........هههههههههههه Downloadiz2.com_51034261

****************************
هاى يااسامة ازيك يا جميل

البرنامج جميل جدا وانتة كمان مواضيعك تحفة .. وعايزاك تقول لجابر انى بحبه جدا وميزعلش منى ابدا.. رغم

كل اللي بيعمله و رغم

انه قليل الادب و دايما بيعمل حاجات سوفاج بس بحبه

اصل انا منحرفه و بحب الانحراف ..
انا و البطيخ وافاك .........هههههههههههه Img-resized

مصغرة بنسبة : 98% من الحجم الأصلي [ 520 x 390 ] - إضغط هنا لعرض الحجم الأصلي
انا و البطيخ وافاك .........هههههههههههه Downloadiz2.com_56746030

بحبك يا تامر

قصدي يا جابر

حبيبتك شاهيناز

******************************

هاى اسامه انا محمود من الاردن عاوزك تقول لهبة اننا مش هانفترق تاني ابدا ابداا

حتى لو فضلت تقرقض في ضوافر رجليها ببقها ..
*********************************

هااي يا اسامه ازيك

يا اسامه عاوز الايميل بتاعك بجد في مواضيع مهمه قوي عندي عاوز الحل ليها .. معلش يا اسامه بليز و الله يا اسامه انا تعبانه

انا و البطيخ وافاك .........هههههههههههه Img-resized

مصغرة بنسبة : 80% من الحجم الأصلي [ 640 x 480 ] - إضغط هنا لعرض الحجم الأصلي
انا و البطيخ وافاك .........هههههههههههه Downloadiz2.com_20664048

موووت و انت الامل الوحيد ليا ..

**************************************

هااي اسامه يا احلي و اجمل صوت في الدنيا

اسامه بليز ممكن حلقه عن الحب من طرف واحد اصل اخوك كهربائي سيارات ...

بحبك مووووت يا سوكا

*************************************

هااي يا اسامه انت اجمل و احلي صوت في الكون كله

ارجوك يااسامه قول لحسن انه مهما دور على حد ممكن يحبه ويسامحه ويغفر له كل حاجه مش هيلاقى غيرى لانى بحبه بصدق ومش

عاوزة منه اى حاجه

خالص.. و هتنازل عن تمن الموبايل اللي ضربوا مني في الشهر اللي فات و باعه و جاب بيه كله حشيش ..
وشربه كله مش حتي اديني سيجارة

انا و البطيخ وافاك .........هههههههههههه Downloadiz2.com_72366681

انا و البطيخ وافاك .........هههههههههههه Downloadiz2.com_72366681

******************************************

اسامه اسامه اسامه

ازيك يا جميل

على فكره يا عم انت شوفلك حل .. حبيبتى بتحبك

انا محمدين من دمياط .. بحبك قوى يا رضوى

*************************************

هاااي يا اسامه ازيك عامل ايه

انا عارفه ان الحب مفهوش كرامه وهو الى خلانى بقيت كدة ازاى بعد كل دة هو اللى يبعد ويختار هو علمنى ازاى معرفش اعيش من

غيرة ونسى يعلمنى لما يبعد هعيش ازاى ... بحبك يا بعجررر

انا و البطيخ وافاك .........هههههههههههه Downloadiz2.com_30819258

انا و البطيخ وافاك .........هههههههههههه Downloadiz2.com_30819258

عاشت الاسامي يا عم بعجرر

***********************************

هاااى اسامه انا فى عندى مشكله انا بحب واحده ومش عارف اصرحها خايف يكون الحب من طرف واحد

بحبك يا سندس ااوووي و نفسي اخد الرصيد اللي في موبايلك كله ..

انا و البطيخ وافاك .........هههههههههههه Img-resized

مصغرة بنسبة : 92% من الحجم الأصلي [ 551 x 474 ] - إضغط هنا لعرض الحجم الأصلي
انا و البطيخ وافاك .........هههههههههههه Downloadiz2.com_72620317

**********************************

هاااي اسامه ازيك

انا سنية من القاهرة

انا بحب واحد قد ابويا و مش عارفه اعمل ايه بحبه موووت مووووت يا اسامه عشان شعره الابيض الجميل و فجأة اكتشفت انه

سمكري سيارات و ان البويه جت علي شعره

اسامه انا مش عارفه اعمل ايه انت املي الوحيد

*******************************

هاااي ا س اس ازيك

انا عيوشه من شبرا و بحب واحد من الصعيد
انا و البطيخ وافاك .........هههههههههههه Downloadiz2.com_34637080

انا و البطيخ وافاك .........هههههههههههه Downloadiz2.com_34637080

و اتخانقنا بس لما سمع الحلقة بتاعت البرنامج اللي فاتت جاني تحت البلكونه من الصعيد مشي و قعد يعيط و انا بحبه خالص يا اسامه

بحبك يا صميده موووت موت

الوقت بيمر معاكم بسرعة وقت حلقتنا انتهى و حاتم فرحان مش عارف ليه

باين البنت بتاعت الدره حولت له رصيد تاني
انا و البطيخ وافاك .........هههههههههههه Img-resized

مصغرة بنسبة : 96% من الحجم الأصلي [ 532 x 585 ] - إضغط هنا لعرض الحجم الأصلي
انا و البطيخ وافاك .........هههههههههههه Downloadiz2.com_26316224

كان معاكم اسامة منير علي نجوم اف ام علي كيف كيفك

في انا و البطيخ وافاك من 12 لـ 2

بشكر كل اللي كلمنا و اللي بتعت ا س ام اس

مع انا و البطيخ وافاك استنوتا يوم الحد في نفس الميعاد قبل ساعتين من دلوقتي علي نجوم اف ام 100.6

مزيكا علي كيف كيفك

سبب التعديل: تغير اسم الموضوع وشكل الموضوع

التوقيع انا و البطيخ وافاك .........هههههههههههه Downloadiz2.com_56484594

انا و البطيخ وافاك .........هههههههههههه Downloadiz2.com_56484594

حبيبي تصدق بايه .. قلبي معرفش ليه .. اول ما شافك نداك
ال ده الي هموت عليه .. تملي بسأل عليك .. بتوه وانا بين ايديك
بجد انا نفسي اعرف انا ليه مهتم بيك

موضوع رائع