الصياعة كانت شتيمة زمان اما دلوقت ادخل وشوف

السلام عليكم ورحمه الله وبركاته


" هى مش كلمة " صايع " كانت شتيمة زمان .. ؟! "







***

حذرنا الكبار _ واحنا لسه عيال _ من خطورة أن نصبح " عيال صايعة " فعلى سبيل المثال
عندما تتأخر فى العودة إلى المنزل بعد المدرسة يتم استقبالك بسؤال " كنت فين ياصايع لحد دلوقتى .. ؟! "


وعندما يكون الزرار العلوى للقميص مفتوحا " متفتحش صدرك زى العيال الصايعة " .
]
وكان هناك ارتباطا وثيقا بين الصياعة والتدخين ، والوقوف ع النواصى ومعا**ة البنات ، [ووضع الأيدى فى الجيوب أثناء الكلام مع الأب ، وشرب القهوة ، والكلام فى التليفون بالساعات والرد على الكبار بإسلوب غير مهذب ، والتزويغ من المدرسة ، والرسوب فى امتحان نهاية العام وارتداء القميص على اللحم .


وكان لقب " صايع " لقبا مخيفا نهرب منه " وهو الواحد ايه ياجماعه غير سمعة وشوية حاجات فوق بعض " .


وكانا نحرص على الإبتعاد عن أى شخص يحمل لقب " صايع " علشان الواحد " ميتشبهش " .


ولكن بمرور الوقت حدثت طفرة ، لم تعد كلمة صايع شتيمة ، بل أصبحت وساما يضعه الآخرون على
صدر كل من يحوز إعجابهم ، ولم يعد الصايع هو الشخص " اللى مش متربى قليل الأدب ، اللى بيسقط
دايما وقاعد طول النهار ع النت ، وبيعلى صوته على أهله وبيسرق فلوس من ورا أهله علشان يجيب
بيها سجاير " . [
هذا الشخص مبقاش اسمه " صايع " بقى اسمه " مغفل " يااخوانا .


وأصبح الشخص الصايع هو الشخص الناحج القادر على إثارة إعجاب الناس من حوله ، الشخص القادر
على انتزاع تصفيقهم ، وأصبح " الصايع " هو النموذج والقدوة والمثل الأعلى أحيانا .
ولقب " صايع " لم يعد أيضا مقصورا على الأشخاص فقط ، فهناك أشياء كثيرة ممكن نقول عليها صايعة


مثلا جهاز الموبايل اللى فيه كل الإمكانيات اللى محتاجها واللى بتحلم بيها ... يبقى( موبايل صايع . )


ممكن تلاقى ( جون صايع ) عبارة عن جملة بين 3 لاعبين سريعة ورشيقة وغير متوقعة .


ممكن تلاقى بوستر لألبوم لمطرب متصمم بطريقة صايعة ومحطوط فى حته صايعة .


ممكن تشوف فيلم نهايته غير متوقعة ولما تمر فى خيالك تبقى ( نهاية صايعة ) والسينارسيت اللى كتب الفيلم ( سينارست صايع ) .


وممكن تلاقى بلد يتقال عليها ( بلد صايعة ) زى الصين اللى قدرت انها تخترق مصر بمنتجاتها
ويبقالها فى كل بيت مصرى 20 منتجا على الأقل ، وبالتالى يمكنك أن تقول إن ( الصين دول
صايعين قوى ) .


لم يعد لقب " صايع " مزعجا مثل لقب " عنده ايدز " ولكن صايع أصبحت وسام وشرف مساو فى
قوته لوسام الـ " ISO 9001 " ولا أعرف ماذا حدث بالضبط وغير سمعة الكلمة 180 درجة ..
... غالبا هى دى الصياعة !


أستطيع الآن _ وأنا ضميرى مستريح _ أن أشجعك على أن تكون " صايع " بالمعنى الجديد للكلمة


... للصياعة بمفهومها الجديد آداب يجب الإلتزام بها حتى تستحق اللقب


1 – الصايع عمره ما يقول على نفسه صايع ، عمرك شفت واحد ذكر ماشى يقول للناس " أنا
ذكى ياجماعة ؟ "


2- الصايع يكره الفهلوة، لأن الفهلوة سرقة ومجرد استغفال للناس ، الصايع يحترم ذكاء الآخرين .


3 – الصايعة تعتمد على الثقافة العامة فى كل المجالات ، يكفيك أن " تعرف حاجه عن كل حاجه


4- الحظ قد يقودك إلى القمة ، والصياعة أن تحافظ عليها .]


5 – الصياعة إن بالك يبقى طويل ، وماتبدأش بالغلط ، وماتردش على اللى بيستفزك ، وإنك
تسامح الشخص اللى تقدر تنتقم منه بسهولة . [


6 – الصياعة إنك ماتكررش نفس الغلطة مرتين .


7 – الصياعة إنك تدى كل واحد حقه ، وتعرف قيمة اللى قدامك بالظبط .


8 – الصايعة إنك تبقى فاهم كويس إنه :-


- مش مهم إنك تغير الكون ... المهم إنك تخلى الكون ما يغيركش .
- الحب اللى يجى بسرعة لازم يروح بسرعة .
- الأحمق هو الشخص اللى لسانه أسرع من عقله .
- استمتع بالحاجات الصغيرة ، بكره هتعرف إنها كانت كبيرة .
- اتعلم تضحك على مشاكلك وانت عمرك ما هتبطل ضحك .
- اخط المستقيم أقصر طريق بين تقطتين ، والإبتسامة أقصر طريق بين شخصين .
- الصبر ... هو الحاجه الوحيدة اللى لازم تستعجل وانت بتتعلمها .
- وجودك فى الحياة هدية ماحدش يقدر يقدمهالك غير ربنا ، وفى ناس كتير بتيجى لهم هدايا قيمة


الشاطر هو اللى يعرف يستفيد من الهدية اللى جت له .
كل حاجه فى الدنيا فيها شىء جمييل ، بس مش أى حد يقدر يشوفه .
مش كل مرة تتعب فيها هتوصل للى انت عايزه ، بس عمرك ما هتوصل للى إنت عايزه من غير ما تتعب .


الفهلوة سرقة ... خد بالك مفيش طريق مختصر للمكان اللى يستحق إن الواحد يروحه .
حياتك فيلم ، واللى حواليك بيلعبوا أدوار الأب والأم والجار والصديق ، بس إنت بطل الفيلم .. حاول دايما تتصرف زى الأبطال . [




أخطر عيب فى البنى آدم إنه مايشوفش فى الناس غير عيوبهم .
الصديق الجيد هو الهدية الوحيدة اللى الواحد بيقدمها لنفسه بنفسه .
الصديق الكويس هو اللى بيبقى عارف عيوبك ومع ذلك بيحبك .
أول خطوة فى النجاح إنك تعرف إنت عايز إيه .
ابتسامتك فى وش أى حد هتخليه صعب إنه يكرهك .
مش مهم إن كل الناس تحبك ، المهم إنك تحب كل الناس .
عمرك ماهتعرف قيمة المية من غير ما تعطش ، وعمرك ما هتعرف الصح من غير ما تغلط .
مش أى هدية ينفع تقبلها . [


ماتسيبش الريموت كنترول فى إيد أى حد إلا لو كنت بتثق فيه .
ماتصدقش اللى يقولك " هى كده " أو " هى ماتتعملش غير كده " كل الحاجات ينفع تفكر فيها من أول


وجديد حتى لو قالولك دى ثوابت ، وخليك فاكر إن السباحة لو كانت بتخسس _ زى ما بيقولوا _
كان الحوت بقى سمكة زينة من زمان . [


مافيش حاجه اسمها حظ ، والمحظوظ هو مجرد شخص عارف هو عايز إيه وبيقدر يستغل كل الحاجات


اللى بتقابله فى السكة لمصلحة الحاجه اللى هو عايزها.
أوحش حاجه إنك تكون مابتعملش حاجه ، لإنه هيبقى صعب تعرف هتخلّص إمتى .
الوقت اللى هتضيعه فى التفكير فى الحاجات الى نقصاك المفروض تديه للتفكير فى الحاجات اللى عندك.


الخبرة هى الحاجه الوحيدة المفيدة فى الفشل .
العقل زى الباراشوت ... ما بيشتغلش غير لما يتفتح .


ها .... إزى الحال .. ؟!


أقول مبروك على اللقب الجديد
تحياتى إليكم
منقول

ارجو الرد

بصراحه الموضوع ده موضوع صايع ههههههههههه

بجد هيا حاجه ملحوظه جدا ان اي حد بيعمل موقف كويس او اي حاجه حلوه يتقال عليه صايع زي ما انتي وضحتي

وصايع دي انا ياما مدحت بيها ناس كتير وخاصة لعيبة الكوره اي حركه حلوه جون حلو اقول الواد صايع

بس نعمل ايه بقى كل زمن وله الفاظه ومعانيها يعني برضه في كلمة كول دي حد كان يسمع عنها زمان وكلام غريب جدا تاني

لا دلوقتي بقي كل واحد بيحب اوي يكون صايع
فالشخص الذي يفعل شيئ غريب شويه يقول علي نفسه صايع
والله داحنا في مجتمع صايع
شكرا يا حبيبه علي الروعه دي

سبخان الله والله دوام الحال فعلا من المحال بقي الصياعة دي مش شتيمة
دا كلام انا عمري ما وفقت علية ابدا
وملحوظة يا اعضاء ان في مقولة بتقول ان المبادئ لا تتجزا
وان قولت رأيي بمنتهي الصراحة