ازاى تشتغل البنات....

زائر

فن الضحك على الفتيات
عزيزى الشاب نظرا لسوء الاحوال الاقتصاديه
وارتفاع الاسعار المصاحب بارتفاع ضغط الدم
ونظرا لاستحاله الزواج فى سن العشرين
ولا حتى فى الثلاثين

يعنى لما تكون نفسك كده عالخمسين ستين

ونظرا لانتشار ظاهره حب الوقت الضائع

اقدم ابسط الطرق فى مصاحبه الفتيات

1- قبل التعارف ان وقفت بالقرب منك مع بعض الاصدقاء تظاهر بانك لم ترها
وبأنك تبحث عن شئ بحيره وقلق حتى تقع عيناك عليها (قال يعنى صدفه)فتبتسم وتهدأ عيناك وكأنك وجدت ضالتك المفقوده وسعادتك المنشوده

2- اسالها عن اى حاجه مثل الساعه محاضره معيته ندوه ,..........لكن من المهم ان تشعرها بانك تختلق المواقف للحديث معها ،يعنى بتتلكك

3- افتح موضوع كبير قوى وقول كلام وحديث خطير خالص ز يعنى مثلا غضبك على اسرائيل واشتم كام دوله كده ولو استفسرت عن دوله ذكرتها (ماحدش سمع عنها) اظهر اندهاشك من قله ثقافتها واذكر كام معاهده قرع وبطيخ قامت بها هذه الدوله وبكده حاتنبهر بيك وتعرف ان مافيش فى ثقافتك وعقليتك اتنين

4 اظهر بعض الغيره فى نظراتك وتصرفاتك بان تكون عصبى المزاج مثلا بعد ان تتحدث الى اى ولد حتى وان كانت بتقوله :عن اذنك عايزه اعدى

5_اظهر لها مدى تاثيرها عليك مثلا انك لم تستطع حضور المحاضرة فى غيابها
(مع انك ما بتحضرهاش أصلاً وهى موجوده)

وانك بطلت سجاير علشان خاطرها (يعنى ما حبكش تشربها قدامها ) و ان هى الى مصبراك على الدنيا لان مامتك بتكرهك وباباك عايز يقتلك!!ا

6- إختفي شويه قد أسبوع كده، و ماتردش على تليفونات ولا إيميلات ولا أي حاجه، عشان تتأكد يا مان إنها إستوت و حان قطافها (ممكن تستغل الأسبوع ده في البدء مع بنت تانيه) و أما تظهر تاني ، برر غيابك بإن حياتك إتبرجلت بسببها، و كنت عايز وقت عشان تعرف حقيقة مشاعرك

7 المرحله الاخيره : التعبير عن شعور غريب تجاها لقد دمرت حصون قلبك وهزمت كبريائك وانتصرت على عدم اعترافك بالحب وابق غنيلها اى حاجه لتامر حسنى او عمر دياب

8 - لو لاقيت الموضوع رخم وعاوز تخلص . قولها ان الظروف اقوى مننا وانا لسه طالب أو مش لاقي شغل ، أو مش لاقي أي حاجه، ومش عايز اظلمك معايا ،قال يعنى ما كنتش عارف من الاول

النهايه

والبدايه مع فتاه اخرى بنفس الاسلوب

زائر

شكرا علي الموضوع الجميل ده

زائر

لاول مرة موضوع يثير غضبي في منتدي افكار الشباب لان كاتب الموضوع تحدث كأن بنات ادم وحواء لعبة في يديه او في ايدي اولاد ادم
هل نسيتم ياشباب اليوم الحكمة التي تقول( افعل ماشئت فكما فعلت يفعل بك) وكما تدين تدان
هكذا انتم لاتفكرون سوي في سعادتكم الوقتيه وتنسون الله الذي لا ينام
هل نسيت بأنك ستكون ابا في يوم ما؟؟؟؟؟؟؟؟
هل فكرت في زوجتك المستقبليه؟؟؟؟؟؟؟؟؟
لابد قبل ان نقدم علي شئ ننظر للمستقبل بعين الفاحص المتمرس
ولا نفعل الاشياء باستهتار وعدم تأني ولا تحمل للمسؤليه؟؟؟؟
لاتعليق.......................................................
نصيحتي لكل الفتيات اياكم من شر تلك الكلمات الحانيه التي تخضعون لها وتصبحون بلاشخصية ولا كرامه ولاهويه
كوني صامده ذات فكر عال.... كوني خلوقه متدينه حتي لا تقعي في ايدي الذئاب
فكري قبل ان تقدمي علي مثل هذة التصرفات لان ما يحدث لكي من اذي لا تستطيعن محوة من ذاكرتك وما كسر لايتم اصلاحه ولا صلاحه.............

ماشي يا فان مشكوووووووووووووووووور