ازاي البنت تغلس علي ولد

ازيكم ياحلوين دول بقى حركات تغلسوا بيها على الاولاد

علشان محدش يقول ان بيني وبين البنات تار ولا حاجه




البنت تتصل بالولد الساعة 5 الفجر وتفضل ترن ترن لحد مايرد عليها

فتفوله : هو انت نايم ياحبيبى


يبقوا رايحين اى مشوار مع بعض وهيركبوا الباص او المينى باص سواا

تروح هى بسرعة تشاور لاى تاكسى

وتقوله :سورى ياحبيبى نسيت ان احنا هنركب الباص

(عايزة تغرمه باى شكل من الاشكال)



داخلين اى كافيه على اساس انتى اللى هتعزميه وطلبتى اغلى حاجة

موجودة وخلاص هتمشوا والمفروض ان انتى الى هتدفعى طبعاا

قوليله :معلش يا حبيبى ادفع انت عشان انا نسيت اخد الفلوس من

الشنطة الحمرا بتاعتى




عايزة تكلمى مامتك ومش معاكى رصيد خدى منه الموبيل وقليله

هكلم مامى دقيقة واحدة عشان اقولها انى هتاخر واقعدى اتكلمى

براحتك لحد ماالرصيد يخلص واديله الموبيل

هيقولك :الرصيد خلص !!!!!!!!

قليله بجد:مخدتش بالى معلش




انهارده عيد ميلادك ومجبلكيش كادوه تعملى ايه ؟؟

قليله:حبيبى انا حلمت بيك حلم تحفة امبارح

هيقولك :خير يا حبيتى ان شاء الله

حلمت انك واقف فى اكبر محل كادوهات وبتجيبلى احلى واغلى كادوه

موجودة فيرد : اه طبعا ياحبيتى ان شاء الله

بما انى عارفة انك مشغول ومش فاضى طول اليوم فقلت انزل واجيب

الهدية بالنيابة عنك وخديه عالمحل من غير مايعرف

وقوليله ايه رايك فى الكادوه دى انا حجزتها عشان تجيبهالى

( طبعااااااا تدبيسة انما ايه )




متفقين هتروحوا السينما النهارده وحسيتى انك مالكيش مزاج تعملى ايه؟

سيبيه واقف ملطوع بعد ميعادكم بساعة ونص ولما يتصل بيكى

قليله : سورى ياحبيبى جالى دور برد رهيب ومش معايا رصيد عشان

اتصل بيك واقولك

(ساعتها هيقول ده يوم اسود يوم ماعرفتك )




بتتمشوا فى اى مكان ولقيتى سنترال قريب منكم تعملى ايه ؟؟

قليله حبيبى ممكن تروح تجيبلى كارت شحن ولما تيجى اديلك الفلوس

طبعا هيروح ويجيب ......

ولما يجى قليله :سورى يا حبيبى انا افتكرت انى جبت واحد امبارح

خده انت بقى

(مع العلم انك كارت وهو خط )




بكره فرح صاحبتك وطبعا لازم تجيبلها كادوه تحفة وشيك تعملى ايه؟؟

قليله: حبيبى بكره فرح صاحبتى وعزماك وماكدة عليا انك لازم تروح

وطبعا انت لازم تجيبلها كادوه تكون تحفة وشيك

هيقولك : اه طبعااا وانتى مش هتجيبلها

قليله :لا انا جبتلها خلاص هديلها بكره بقى

فى الفرح خدى منه الكادوه واديها لصحبتك وقليله :سورى يا حبيبى اصلى

نسيت الكادوه اللى انا جبتها فى التاكسى وانا جاية





عموما لو حصلي الموقف ده هعرف اطلع منه بس بطرقتي وهعكس