بابا حسني (حبيبي) تسمحلي اكلمك

أبي الحبيب حسني مبارك





مقدمــه لسيادتكــم برعــم نشــأ فى عهدكــم وتربّــى فى كنفكــم
وشرب من بحــر علمكــم وحكمتكــم التى أذهلــت العــدو قبل الصديــق
تسمـحلي أقــولّك يابابا ؟


بابا أنا تعبــان أوي ....لأ مــش سنانــي دي ودانــي !!!...أيــوه ودانــي ..
أصلي سمعــت كتيــر أوي عن حاجــات حلوة حتحصــل لنا وما حصلــش منها حاجــة ...
حقول لك شويــة حاجــات منها واخواتي هنا يمكــن يحبــوا يزودوا عليها شــوية حاجات
تانيــة جايز أكــون نسيتها ... بابا مــش عايزك تزعــل منى علشان فتحــت لك قلبــي

(1)
بابا...مصــر فى السياســة والإقتصــاد وحتى فى الرياضــة بقت في الحضيض..
بقينا في آخــر القايمــة يابابا صــدقنى
(2)
الدول اللى كان محــدش بيسمع عنــها خالــص بقت أحسن مننا بكتيــر أوي
يعنــى دول زي الهند...الفلبين...حتى تايــلاند عندهم إيــدز وبرضه بيشتغلــوا
وبيصدّروا كمــان....إنت نمــت يابابا؟ .....لسه صاحي... طيب أكمــل
(3)
بتشــوف قناة الجزيــرة والعربيــة ودبى يابابا....شوف همّه وصلــوا وبقوا إيه
واحــنا بقيــنا إيه....الإعــلام بتاعــنا بقه زبــالة بصراحــة يابابا...تفتكــر ده من إيــه؟
(4)
المصرييــن اللى عايشيــن بره محــدش بيســأل فيهم خــالص يابابا....
تصــوّر لو حــد منهم مات ...السفــارة مابترضــاش تبعت جثته إلا لــو الناس
لمّــت من بعضها ودفعــت المعلــوم......ده غير إن سفــاراتنا بتعاملهم بطــريقة
أخر جليطــة وقلّة حيا بصــراحة



(5)
إحنا مابنزرعــش قمــح ليه يابابا ؟؟؟....أنا عــارف إنــك بتحب الكنتلــوب
علشــان طعمــه أحلــى ....مش مهــم

(6)
بابا...بيقولــوا إن إسرائيل ممكــن ترجــع تحتلّنا تانى علشــان المعاهدة اللــي عمّــو أنــور
مضى عليها دي.....مينفعــش تلغيــها يابابا وندخّل جيــش مصــري في سينا

(7)
هــوه ليه عمــو عمرو خــالد وأنكــل يوســف القرضــاوى ملهمش برامــج على التليفزيــون المصــري يابابا ؟؟؟....
ليه كل البــرامج بتطلــع فيها روبــي ونانســي ودينا؟؟؟
....طــب عمو طنطــاوي مابيزعلــش لما بيشــوف الحاجــات دي ؟

(
فيه إشاعــة بتقول إن عدد الجــراد اللى هاجم مصــر 70 مليون جرادة يعنى نفــس
عدد شعــب مصر وإن عمــو كمال الشاذلى هــوه اللى بعتهــم علشان يقولــوا
نعم يامبارك .... صحيــح إنهم كتبــوا ليك مبايعة علــى ورق الشجــر يابابا؟

(9)
بابا ..... وزير الزراعة الجديد ده باين عليــه فقــر وقدمــه نحــس ....
اوعى تفرط فيــه يابابا لأنــه بقى أملنــا الوحيد
(10)
بابا...إنــت صحيح ناوي تجــدد تاني في 2011 ؟؟؟

باباااااااا......سيب شعرررررري .........ياباباااا.......مين الناس دول يابابااااااااا........الحقني

همّا واخدني ورايحين على فين يابابااااااااا

سبووووووووونى

خلاص انا انتهيت

هههههههههههههههههههههههههههههههههههه علي قد مضحكني علي قد ما شوقني وشيلني همكم من تاني
شئ جميل ان يبقي في موهبه جميله كده والاجمل احساس بهمومنا

هههههههههههههههههههههههههههههههههههه
طبعا يا اسطورة هبقي عضو مطرود( عشان خايف علي نفسك من ؟؟؟؟؟؟؟؟؟)صح
ومش بعيد الاقي الموضوع محذوف
عموما يااحمد لو حصلك حاجه انا مااعرفكش
ههههههههههههههههههههههههههههههههه

لا انت ابن عمي ولا اعرفك ف المسائل دي

هههههههههه موضوع يجيب امل الدوله...........

استرها معانا يارب
ويما اني مشرف المنتدى انا بعلن عدم مسؤوليتي التامة عن هذا الموضوع
والله على ما اقول شهيد ههههههههههههههههه
موضوع رائع
وربنا يهدي بابانا يا رب

يلا نبقى نجمع من بعض فلوس بقى علشان نشتري عيش وحلاوة

موضوع رائع وجميل