..:: عايز تكون روش و تعلق اى بنت؟ ::..

زائر

عايز تكون روش وتعلق اي بنت؟

بص يا سيدى

أولا :
البنت بتحب الولد التقيل خلى دمك تقيل عليها سوق الرخامه عليها سوق التلامه والغلاسه ولو ما بتعرفش تسوق طلع رخصه..... مطلعتش....اضرب رخصه

ثانيا :
البنت بتحب الولد الغنى اسرق .... انهب ..... اعمل اى حاجه عشان يبقى عندك فلوس فلوس كتير... كتير اوى اوى اوى كمان مره .. مش ضرورى حلال يستحب انها تكون كمان حرام عشان تحس ان انت كريم عبد العزيز فى حرميه كيجى2 ولو ما عندكش فلوس .......وفاشل ارسم عليها انك غنى اشتغلها.. هو انت يعنى لاقى شغل يا فاشل اشتغلها واعملها شغلانتك.

ثالثا :
البنت بتحب الولد الى ماتفهموش خليك متخلف فى اسلوبك وطريقتك معاها خليك اهبل فى كلامك ماتديهاش كلمه مفيده ابدا تفهمها منك وان فهمت كلمه منك ارجع قولها عكسها خليها تتهبل ولا تفهمش اجه خالص

رابعا :
البنت بتحب الولد الكداب افتح عليها علب احكيلها عن رحلاتك للمريخ وغزواتك وفتوحاتك كلمها عن اختراعك للبنسلين وعن قدراتك الخارقه على الطيران وقرايه افكار الناس وانك بتعرف كل حاجه فى الدنيا واهم حاجه انك بتعرف هى بتروح فين كل يوم وبتخرج تهبب ايه وتقابل مين.

خامسا :
البنت بتحب الولد الحبوب المحبوب استخف نفسك وخليك كده فريش طول الوقت وغلس على كل خلق الله وهزر فى اى وقت وبداعى ومن غير حسسها ان كل الناس بتحب تهزر معاهم.

سادسا :
البنت بتحب الولد الى يفهمها انها احلى بنت اوصفلها فى جمالها واحكيلها قد ايه هى فاتنه وحلاوتها مدوباك ومسهراك يا حبه عين امك وان هى الوحيده فى العالم الى حلوه وهى بس الى يتبصلها لان البنت لازم تحس انها احلى واحده لان ماعندهاش عقل يفهم ان ربنا فضل الناس على بعض فى خلقها واشكالها.

سابعا :
البنت تموت فى الولد الى شكله معتوه البس لبس غبى ....لازم تسقط البنطلون البس تيشيرتات مرسوم عليها فران وكلاب وحمير البس جزم حمرا وكوتشات خضرا وخليك بلياتشو حاول تغير فى اسلوب لبسك البس هدومك بالمقلوب وبرضه ما تنساش تسقط البنطلون طول شعرك ونزله على عنيك ولو شعرك اكرت طوله برضه واحلق خط بعرض 3سم فى نص راسك بالطول لو عمر دياب مره حلق حواجبه اوع تتردد اديها حواجب قرعه علطول.

ثامنا :
البنت بتحب الولد التافه اتكلم ع التمثيليات وبرامج التليفزيون والاغانى الجديده والفيديو كليبات و والمطربات والمطربين وخد بالك من النقطه الجايه دى بقى اقنعها ان انت صوتك حلو وبتغنى وقريب هيكتشفوا موهبتك وهيخلوك تغنى فى برنامج مواقف وطرائف الحيوانات

تاسعا :
البنت تحب الولد الى بيحب غيرها. عمرك سمعت عن بنت حبت واحد بيحبها لاء طيب خد النصيحه دى.. اهم نصيحه وسر نجاح اى علاقه باى بنت البنت ماتحبش اى واحد يحبها.. وتحب اى واحد تكون هى ولا على باله ..طنشها واركنها ولا تحسسها انها بنى ادمه واهم حاجه الكلام الى فات ده كله شرط انك تعمله مع اكتر من بنت ويستحب يكونو خمس بنات او من مضاعفات العدد خمسه لان ده الرقم الى بيمنع الحسد والنقص فى البنات. اوع تكون هى الوحيده فى حياتك ولو مش لاقى بنات تانيه غيرها اتصرف... صاحب اى شغاله ولا اى بياعه خضار ولا اى شحاته ((نوع كده وخليك واد كووووووول))

يعنى على شان انحبكو لازم تعملو بلاوي دخلكو النار له له

زائر

يالهووووووووووووووووووووووووووووووووي
دي نصايح دي!!!!!!!!!!!!!! ونعم النصائح يا فان

زائر

بالنصايح دي انشاء الله لما نوصل للجواز يكون اتحجز لينا مكان في سجن أبو زعبل و نكون أرخم ناس في الدنيا
ههههههههههههه.............

زائر

ممتاز الموضوع

موضوع ممتاز التمنيات بالتوفيق