اخواتي و اخواني في الله و في الاسلام
السلام عليكم و رحمة الله و بركاته
انا حابب اني اتكلم معاكم شويه بخصوص الحب ...
حتقولولي الحب !!!
ايوه متستغربوش ...الحب
...بس الحب الواجب علينا كلنا ....!!!
عايزين تعرفوا اقصد ايه ؟؟؟
اتفضلوا وكملوا الموضوع مش حاخد من وقتكم كتير ....
اكيد احنا منقدرش نفصل المشاعر و الحب عن حياتنا
ناس كتير بتقول ان الحب مش كل حاجه و ان اهم شيء لحياه هاديه و مستقره هو الايمان و بس ...!!
طيب و هو الايمان مش أساسه الحب؟؟
مش عشان نعرف نعبد ربنا لازم نحبه؟؟
و مش محبة ربنا هي هي طاعته في كل اللي أمرنا بيه ؟؟
مش حب رسول الله صلى الله عليه و سلم الحقيقي بيبان لما بنقتدي بيه؟
مش حب الاسلام و انك تتمسك بيه و تعيش عشانه أصل النجاح؟؟
و عشان تبر ابوك و أمك مش لازم تحبهم عشان تسمع كلامهم و تحن عليهم وتخفض لهم جناح الذل من الرحمه و تدعو لهم ؟؟
و عشان تدي الناس حقوقها و تتعامل معااهم بالحسنى مش لازم تديهم بحُب ؟
و عشان تقرب لأخواتك و أهلك و توصلهم مش ده بردو عن طريق الحب ؟؟
و عشان الزوجه تطيع زوجها و الزوج يرعى زوجته مش لازم يكون فيه بينهم مودهو رحمه و حب؟؟
انا لما بفكر في الناس اللي ناجحه في علاقاتها بالناس و الناس اللي محبوبه من الناس ..بلاقيهم ناس بتدي الخير بحب ...بتتعامل بالحب ...ناس قلوبها صافيه ..بيدوا من غير ما ينتظروا مقابل !!
سؤال : ليه مبقاش فيه حب و تراحم بين الناس ؟؟
ليه فيه ناس بتقول الواحد لازم يتعامل من غير عواطف و يركنها على جنب؟؟
ليه فيه ناس بتشوف ان التعبير عن الحب ضعف ؟؟
ححكيلكم موقثف حصل معايا
كنت راكب تاكسي مع بابا و السواق قال حكمه رنت في وداني !!
قال(الناس زمان كانت بتحب بعض و قلبهم على قلب بعض )
(كان الجار اللي محروم و فقير و معهوش اللي يجيب بيه الأكل كان اكتر واحد بينام شبعاان !!)
(لان كل جيرانه كانوا بيدولوا من الخير اللي في بيوتهم )
سبحان الله !!
نشر الخير لازم يكون بالحب ...عشان نكون اخوات لازم نكون بنحب بعض ...اللي يقول المشاعر مش مهمه و اخر حاجه الواحد يبصلها يبئى فقد شيء كبير من انسانيته
رسول الله محمد صلى الله عليه و سلم ....قمة الرجوله و في نفس الوقت نبع الحنيه و العاطفه ...
فيه مواقف بكى فيها و دموعه بللت لحيته الشريفه من رقة قلبه و رحمته صلى الله عليه و سلم
سؤال : ليه الناس النهارده مبتبكيش ؟؟
ليه عنيها حتى مبتدمعش ؟
ياااه فيه ناس قلوبها قاسيه اوي مفهاش رحمه !أعوذ بالله من فسوة القلب
اذا مفيش حب و تفاني بين الناس
اذا مش حندي من غير ما ننتظر حاجه من حد
اذا مفيش رحمه في قلوبنا
يبئى ازاي بنقول اننا مسلمين و مؤمنين و اسلامنا رسالة حب و رحمه و سلام ...!
ازاي حياتنا تبئى مستقره و هاديه و ناجحه و احنا بنقسوا على بعض و بنظلم بعض و بنتعامل من غير انسانيه و من غير مشاعر و مبنعبرش عن حبنا للي حوالينا و مبنقولش كلام طيب يدخل قلوب الناس و مبنبتسمش للناس و معندناش رحمه ببعض و بنقاطع بعض و بحقد على بعض و بنغتاب بعض ووووو ..!!!
اذا كل واحد حينتظر مقابل للاحسان يبئى انسان اناني بيحب مصلحته و اللي بيحب مصلحته بيحب نفسه و اللي بيحب نفسه ميستاهلش يعيش وسط الناس و ميستحقش الحياه
الحياه ربنا وهبهالنا عشان عبادته و عبادة ربنا هي الاصلاح و انك تعمر أرضه و مفيش اصلاح من غير تعاون و مفيش تعاون من غير حب ...
و الانسان لوحده مبيصنعش الحياه ...!
و عشان نكون صناع حياه بجد لازم يكون شعارنا
الحب ثم الحب ثم الحب
و نوزع دعوه عامه للحب ...
دعوه ننشرها بين اهلنا و صحابنا و جيرانا و للناس في كل مكان !
حب الله و رسوله
حب الناس كلها
حب الخير
حب الايثار
حب كل خصله جميله
حب اصلاح الحياه ...!
موضوع: الحب اساس النجاح 
الإثنين سبتمبر 01, 2008 4:50 pm
