اشهر الجمل اليوميه اللي بيقولها الاباء والامهات في البيت

زائر

اشهر الجمل اليوميه اللي بيقولها الاباء والامهات في مصر .... يارب تعجبكم

*امشى جاتك مشش فى ركبك .

* جتها نيلة الى عايزة خلف تيجى تتفرج .

*ذاكر ياموكوس مش فالح غير فى الهيافه والكلام الفاضى.

* ربنا يرزقك بعيل يوريك اللي ورتهوني.

* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .

* كل يوم هات هات لمة ربيتلى الهتهات (الحاج طبعا) مع انى مش عارف اية الهتهات ده بس ماشية مع الجملة.

* هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).

*ابقى ورينى مين حينفعك فى الاخر من شوية الصيع الى انت مشيلى وراهم .

* قوم اقرا لك كلمتين ينفعوك .

* وطي المدعوق ده شويه .

*لما ما ترضاش تاكل في البيت:طبعا مانت اتعودت علي اكل بره .

*ياريتك تحفظ دروسك زى مانت حافظ الاغانى.

* عيـــب ... لازم تحترم اللي أكبر منك .

* لو شفت خناقه ما لكش دعوة بيها .

* مين منى دي انتى كل يوم تصاحبي واحدة جديدة ؟.

* قومي ساعدي امك ده اللي هيتجوزك أمه داعية عليه.

* يا ابني حرام عليك الى بتعمله فينا ده.

* والله ما انت فالح.

* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.

* المسلسل مش هينفعك ...قوم .

*ماتقعد يابنى تكمل أكلك , انت كلت حاجة!!!
(طيب ماهو انا لو جعان أو الأكل عاجبنى إيه اللى هيخلينى أقوم يعنى , هو انا غاوى جوع مثلا )
.

* كفايه رغي في التليفونات .

* اطفي التلفزيون وقوم ذاكر ولا و خش اوضتك .

* بلاش تمشى حافى البس شبشب وانته داخل الحمام .

* ما فيش مذاكرة على المزيكا .. وازاى بتذاكر و البتاع ده شغال جنبك .

* كنت فين لحد دلوقتى يا صايع.

* ماتتأخرش علشان عندك كلية بكرة بدرى.

* انا مش عارف انته طالع لمين.

* ده منظر اودة بني آدم ، انت عايش فيها ازاي؟.

* هو انا الخدامه الى ابوكم جبهلكم .

* الى يطلع من الاوضه يطفى النور وراه .

*أبوك عندك أهو اتصرف معاه .

* اللي بيشيل ابره مخرومة بتخر عليه لوحده ..
.

* يأبنى المذاكره مابتخلص .... نفسى اشوفك مره ماسك كتاب.

* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت .

* احمد ربنا الاكل الى مش عجبك ده فى ناس مش لقينه .

* التهديدات المخيفه والمرعبه : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .

* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

* و أخيرا ::

ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا ( ٌٌقال يعنى كان بيعرف يركذ والناس ماشيه حوليه فى الشارع )

زائر

شكرا ليك يا فان

جميل جدا فان تسلم ايدك

زائر

ميرسي لمروركم وردودكم الرائعه

زائر

اه والله كل دا بيتقال

زائر

ههههههههه

شكرا ليك يا فان على موضوعك و مجهودك الرائع

زائر

ميرسي ليكم شباب

زائر

ههههههههههههههههههههههههههههههههههههههههه
ايه يافان الجمل دي بتتقالك ولا اييييييييييييييه؟؟؟؟؟؟؟؟
انا عن نفسي بيتقالي بعضهم مش كلهم زي
المسلسل مش هيفعك
قومي ذاكري
اسمة ايه خد الدكتوراة علي لمبة جاز
جتها نيله اللي عاوزة خلف بتتقال لاخواتي الصغيرين
هههههههههههههههه
جميل يافان والله

زائر

مش كلهم قوي يعني بس معظمهم بيتقالولي

ميرسي لمرورك يا فجر

زائر

احلى فيك انك بتتكي علي الجرح يا عم اقرا كلمتين

زائر

ماشي يا سيدي

وعلى راي الشاعر جيت على الجرح ودست عليه
هههههههههههه

زائر

هههههههههههههههههههه ربنا يكرمك

زائر

ياااااااااارب

ويوفقك في امتحاناتك امين يارب

زائر

جميل وممتاز

زائر

ميرسي ليك طائر

زائر

تسلم عيونك يا فان

موضوع ممتاز التمنيات بالتوفيق